Петар Печков

Објавено: среда, 27 мај 2020 544 182

Фудбалерите на Борец денес на Градскиот стадион во Велес, го означија старт на дополнителните подготовки за продолжување на сезоната. Тие и досега работеа, но индивидуално, засебно или поединечно.

Имаа состанок со тренерот Горазд Михаилов, на кој беа присутни сите фудбалери, вклучувајќи ги и странците. Средбата  се одржа на трибините со почитување на мерките и држење на меѓусебно растојание.

Како што информираа од клубот за Трмр,  Михаилов им соопштил на фудбалерите,  дека во првите денови ќе се работи во група до тројца фудбалери, се додека не се добијат протоколите за натаму.

Вчера ФФМ по состанокот со прволигашите соопшти дека првенството продолжува на 14-ти или 17-ти јуни., до кога преку тренажен процес фудбалерите треба да се вратат во форма.

Треба да се доигра првенството со останатите 13 кола, со забрзано темпо. Се знае дека во Прва лига остануваат сите досегашни членови, вклучувајќи го и велешкиот прволигаш ФК Борец 1919.