Петар Печков

Објавено: среда, 13 септември 2017 814 315

Бранителот на титулата од Купот на Македонија, Пелистер од Битола со 4:2 го совлада велешкиот  второлигаш Борец 1919.  

Во денешниот прв осминафинален натпревар, Пелистер поведе со голот на Матеј Цветаноски во 28. минута. Во второто полувреме, на 2-0 зголеми Фереира во 48. минута, на 2-1 намали Андреј Кудијан во 61. минута, а за 3-1 за Пелистер се погрижи капитенот Мартин Ковачев во 77. минута. На 4-1 во 87. минута зголеми Фереира, а конечните 4-2 и надеж за гостите пред реваншот донесе Ѓорѓи Танушев со гол од пенал во 92. минута. Велешани можат да жалат за можноста за уште еден гол, кога во 91-та минута, Тале Трајков од 25 метри го матираше домашниот голман, но пречката ги спаси битолчани. Реваншот се игра на  1   8 октомври на  Градски во Велес. 

Потсетување, в сабота е дербито во Втората лига Исток, а  на  Градски во Велес, прв пат оваа сезона Борец  ја пречекува екипата на штипска Брегалница. Натпревар на второ  и трето пласираниот тим од табелата.   

Женската фудбалска екипа на Борец, на домашен терен со уверливи 6:2,  ја совлада екипата на Ателтико од Битола.  Ова беше натпревар од второто коло на Првата  лига. Во третото коло, велешанки в недела гостуваат во Македонска каменица  играат против екипата на САСА., која е  последна со дури 23 примени гола.

Денес на прес конференција  ГОК Борец ги претстави трите засилувања.  Васе Михаилов и Славе Наков. Тие настапуваат на позициите примач и среден блокер, а во Велес доаѓаат од екипата на Струмица. Исто така потпис на договор со ГОК Борец стави и Иван Андонов кој се враќа во Македонија по настапите во Албанија. Со ова се најавува борба за највисок пласман во Првата  лига.