Петар Печков

Објавено: среда, 05 октомври 2011 653 307

Фондацијата за локален развој и демократија ФОКУС,  по повод  одбележувањето на „Неделата на детето“, започна  хуманитарна акција под мотото „Од децата – за децата“. Целта на оваа акција е подигнување на свеста кај младите за хуманост, солидарност и да се поттикнат да го практикуваат донирањето.

Оваа акција ќе се одвива во сите основни училишта во градот, односно во училиштата „Благој Кирков“, „ЈХК Џинот“, „Св.Кирил и Методиј“, „Блаже Конески“, „Васил Главинов“ и „Рајко Жинзифов“ од с. Г.Оризари, со тоа што учениците во рамки на своите можности ќе можат да донираат училишен прибор, користени училишни ранци, облека, и обувки за своите другарчиња кои потекнуваат од социјално – немоќни семејства.

Донирањето ќе се организира посебно во секое училиште во текот на еден ден и со помош на членовите волонтери на младинскиот клуб „Фокус“, во истиот ден, донираните предмети, ќе бидат пренесени во просториите на Фондацијата.

Донираниот училишен прибор и облека на 17ти октомври на Денот за борба против сиромаштијата ќе им бидат поделени на децата на кои оваа помош им е најпотребна и кои се корисници на Фондот за поддршка на фондација „Фокус“.