Петар Печков

Објавено: петок, 06 ноември 2020 1296 133

Царинската управа до Основното јавно обвинителство во Велес поднесе кривична пријава против правно лице со седиште во Велес и против одговорното лице  Б.А. во правното лице, поради основано сомневање дека е сторено кривично дело „Избегнување на плаќање акциза“.

Станува збор за увезен тутун пуштен во промет во акцизното подрачје без притоа да се плати акциза во вкупен износ од 64.613.703,00 денари (повеќе од еден милион евра).

Се работи за два увоза на тутун во лист од типот „Вирџинија“ реализирани од страна на правното лице од Велес во октомври 2019 година, по што увезениот тутун наместо да се доработи е пуштен во промет на незаконски начин без да се плати акциза - информираше Царината.

Во координација со Основното јавно обвинителство од Велес, инспекторите од Одделението за истраги при Царинската управа извршија претреси на повеќе локации во Скопје и Велес заради обезбедување докази во врска со случајот.