Петар Печков

Објавено: петок, 21 јуни 2024 314 16

 Летото астрономски годинава стаса во четвртокот 20 јуни, навечер. И тоа во 22:50 ч. на Северната Земјина полутопка, додека истовремно на Јужната стаса зимата.

Летото ќе трае 93 дена, 15 часа и 52 минути, ќе заврши на 22 септември во 14,43ч. кога астрономски започнува есента.

На денот на почетокот на летото, денот е најдолг, а ноќта е најкратка. Но такаа е и овој ден потоа.  Сонцето изгреа во 04:58 часот, а ќе зајде во 20:11 часот, тоа значи дека денот ќе трае 15 часа и 12 минути, а ноќта ќе трае само 8 часа и 48 минути.

Со голема веројатност се очекува дека летото 2024 ќе биде топло и сушно, информриаат од УХМР. Според анализите за целиот југоисточен регион на Европа, се очекува летните температури да достигнат натпросечни вредности. За територијата на Македонија постои многу голема веројатност за надминување на температурите од многугодишните просечни вредности и до 3°C. Најголемото позитивно отстапување на температурата на воздухот од повеќегодишните просеци за оваа сезона се очекува да биде во месец јули, покажува анализата на Управата за хидрометеоролошки работи (УХМР).