Петар Печков

Објавено: понеделник, 19 февруари 2018 2895 240

Чист понеделник, беше повод за дсе соберат мегдначани од повеќе делови  на градот, но и од Скопје. Можноста да заврне и да ја расипе дружбата, не ги  спречи луѓето од едно од најстарите маала во градот, да дојдат и да  се дружат.  Менито исто, за разлика од   претходните години, нешто помалку гости, но и тие што беа, беа доволно да се одбележи, првиот ден после Прочка. Годинава кум  беше Тоше Тоцинов.

Имав обврска да набавам грав, суви чушки, пијалок, салата. Важно е традицијата да се одржува, еве годинава  се  сокривме од дождот кој се закануваше. Догодина за кум се јави другар ми  Раде Ристовски за кум - раскажа Тоше. 

За да се заштитат тие беа сместени во гаражите од Панче Дебарлиев и  Игор Манасков. Така дождот не им можеше ништо.  Дошле свештеници на МПЦ-ОА кои ја благословиле софрата и на неа немаше мрсно, како што е редот. 

 Годинава гравот го подготвуваше Лазе Тоцинот.

Одговорен сум исклучиво за подготовка  на гравот, другото не ми е во задачите. Подгтовив околу 20 кг. Нема тајна, се ставаат суви чушки, кромид, граф и црн бибер во зрно. Важно е кгоа  се  лупат сварените  чушки, како да  се растрие, тоа е  мајсторијата. Чист грав и затоа е чист понеделник - објасни Лазе.   

Меѓу гостите беше и   Димче Виларов.

Тука сум роден и многу ми е мило кога  се собираме мегданчани. Се трудам  со други од ова маало да дојдеме на овој ден, иако живеам во друг дел на Велес.  Годинава ми е посебно драго што дојдоа многу постари наши соседи, кои дојдовме тука, се стари мегданчани. Не  значи дека сум против  да дојде друг, секој е добредојден - вели Димче. Со него беа и Тошо Б`шката кој до лани го подготвуваше ручекот, белиот грав.  До нив и Диме калајџијата. Целта им е да се дружат и потсетат на младоста. Затоа од Скопје дојде Иве Тодоровски. 

Специјално дојдов за чист понделник и за потсетување на  босоногото детство, кога тука со сите овие на масава игравме и се дружевме, на мегданскарта калдрма. Голема ечст ми е што денес сум тука со маалските другари - рече Иве.  

Традицијата се обнови 1990-та година. За тоа заслуги има Ицо Картуш, кој го продолжи подзаборавеното мегданско собирање за чист понеделник.