Петар Печков

Објавено: недела, 03 јуни 2012 1391 322

Министерот за труд и социјална политика Спиро Ристовски го презентира посебниот регистар на лица осудени за кривични дела за сексуална злоупотреба на деца и педофилија. 
Регистарот содржи податоци за името и презимето, датумот на раѓање, адреса на живеење, кривичното дело за кое е осуден и фотографија.

Потребата за креирање ваков регистар произлегла од зголемениот број повторници на овие кривични дела. Според анализираните судски пресуди за периодот јануари 2004 до 2009 година од 231 осудено лице, 191 лице се примарни престапници, 38 или 16 отсто се повторници од кои 26 се еднократни повторници, а 12 осудени лица се повеќекратни престапници.

Осудените лица должни се по истекот на изречената казна најмалку еднаш годишно, пет дена пред нивниот роденден и до крајот на нивниот живот да се пријавуваат кај надлежниот судски орган, а доколку не се пријават предвидена е парична казна.

На ваков начин, сметаат од Министерството за труд и социјална политика, осудените лица ќе бидат контролирани до крајот на нивниот живот, со цел да се следи нивната состојба, движење и местоположбата. Доколку осуденикот биде забележан на места каде што има повеќе деца, како што се градинките, детските игралишта, игротеки и парковите, службено лице од МВР и секој граѓанин ќе има обврска да го пријави во полиција, при што прво ќе добие усна опомена, но доколку повторно се затекне на такво место ќе биде известен надлежниот судски орган, за што е утврдена и парична казна или казна затвор до една година.
Република Македонија е прва земја од регионот што користи ваков регистар за педофили.

лицата можете да ги најдете на оваа страница:

http://www.registarnapedofili.mk/Prebaruvanje.aspx