Петар Печков
Објавено: вторник, 20 јануари 2015
Просветните работници од средното училиште Коле Неделковски единствени во Велес го поддржаа штрајкот на СОНК. Поголемиот дел од вработените во училиштето беа на работа, но не држеа настава.
Го поддржуваме штрајкот на СОНК и неговите барања. Повеќето од половината од 80-те професори се тука, во просторијата одредена за штрајк, настава не одржуваме. Така беше во претпладневната и попладневната смена. Најголем дел од колегите професори одлучија дека треба да штрајкуваме - изјави Марина Костова претседател на СОНК за ова училиште.
Во претпладневната смена од 32 професори во ова училиште, настава одржале 11. Учениците од попладневнана смена беа во дворот на училиштето.
Поддршка на штрајкот во ,,Коле Неделковски,, дале и административните вработени како и техничкиот персонал. Според зборовите на претседателот на СОНК за Велес Петре Јорданов, штрајкот имало и во ОУ Васил Главинов, но со слаб одѕив.
Во останатите средни и основни училишта во Велес, според директорите наставата се одвивало редовно, немало штрајк, немало прекин.
На 20 јануари, започна второто полугодие за 6.829 ученика во велешко, од кои 4.099 во основното, 2.657 во средното образование и 64 во ПОУ „Маца Овчарова”
| Tweet |
