Петар Печков

Објавено: петок, 30 октомври 2020 405 156

Подрачното училиште во село Сливник, кое работи во рамките на ОУ „Васил Главинов”, доби донација од девет компјутери.  Компјутерите ги донираше АД „Алајанс Уан” од Кавадарци со вредност од околу 200 илјади денари.  Ова се првите компјутери во подрачното училиште во село Сливник.

Претставникот на „Алајанс Уан” Орце  Николов истакна дека и во иднина, ќе донираат компјутери на оние училишта каде што недостасуваат.

Од подрачното училиште се заблагодарија на донацијата и велат дека стигнала во вистинско време. Во училиштето настава посетуваат 88 ученици од прво до петто одделение.