речник контакт

Божуле плус Питијада во ноември

Велешани ќе имаат нова манифестација „Божуле-празник на виното“ која локалната власт планира да ја воведе годинава. Таа истовремено ќе се одржува со традиционалната ,,Питијада,, , во средината на ноември.

Петар Печков

Од општина Велес планираат оваа манифестација да се реализира во партнерство со винариите и рестораните од Велес и ќе се одржи во третата недела од ноември кога според енолозите ширата преминува во вино.

Заедно со празникот на виното ќе се вклучи и манифестацијата питијада по барање на угостителите од Велес затоа што тие сакаат презентацијата на овој производ да биде на почетокот, а не на крајот на сезоната на пастрмајлиите.

Досега ,,Божуле – празник на виното,, во неколку наврати го организираше сопственикот на винаријата ,,Тристо,, Ристо Ташев, секој трет четврток во ноември. ,,Питијадата,, пак годинава покажа дека го надмина досегашниот начин на организирање, кога се се случуваше во 60-тина минути, во кој период поголем дел од велешани доаѓаа ги купуваа питите за дома и си заминуваа.

Ниту просторот не одговараше за огромниот интерес, па так во пресрет  на новиот термин, општината ќе треба да најде соодветна локација каде ќе може поголем број ресторани, поголем број велешани да можат на лице место да уживаат во овој специјалитет.

Во тој случај прашање е и дали таа треба како досега да биде со хуманитарен карактер или како останатите слични манифестации во земјава, питијади во други градови, Пиво фест, пачијади, да биде чисто комерцијална за промоција на производите карактеристични за велешкото поднебје.

АНКЕТА »

Дали учениците од 1-ви септември треба да тргнат на настава во училиште?

Резултати

ПРИЈАТЕЛИ »