речник контакт

Бонев трчаше по планинските патеки на Тирол

На трката BEAST која е долга 27 км, 1300 метри висинско искачување и 35 пешадиски препреки, Бонев го освои високото 5-то место со време од 3 часа и 20 минути

Петар Печков

Изминатиот викенд, на 12-ти и 13-ти Септември во организација на Spartan Race Germany се одржаа 3 трки со препреки на Алпите во Тирол, Австрија. На најголемата и најмасовна организација од ваков тип во Европа која траеше цел викенд, во своја сопствена режија настапи и нашиот сограѓанин Марјан Бонев. 

На овие трки учествуваа повеќе од 3000 учесници кои ги тестираа своите психо-физички лимити, а Бонев свое учество зема на најтешката трка, под името BEAST, а следниот ден и на втората по тежина, односно SUPER.

На трката BEAST која се карактеризираше со должина од 27 километри,  1300 метри висинско искачување и 35 пешадиски препреки, Бонев го освои високото 5то место со време од 3 часа и 20 минути.

Додека следниот ден на трката SUPER со каракетристки од 15,4 километри должина, 640 метри висинско искачување и 28 пешадиски препреки, Бонев се искачи и на подиумот, односно го освои третото место.

Со овие високи пласмани Бонев обезбеди учество на Светското првенство во Спартан Рејс кое ќе се одржи на 3ти Октомври во Калифорнија, САД.

АНКЕТА »

Дали попустите за „Црниот петок“ ги оправдаа очекувањата?

Резултати

ПРИЈАТЕЛИ »