речник контакт

Европскиот првак РК Вардар во Велес стана и македонски шампион (фото и видео)

4 илјади гледачи ја поздравија четвртата титула за скопјани сезонава, откако со 36:28 го совладаа домаќинот ГРК Борец

Петар Печков

Со победата  од 36:28, полувреме 16:14,  против велешки ГРК Борец, екипата на РК Вардар стана повторно македонски шампион.

Во последното  10-то коло од разигрувањето  скопјани без поголем ангажман и со половина од екипата која во Келн Германија, викендов,   ја освои европската титула, дојдоа до победата, која им ја донесе  титулата.  

Пред крајот на средбата од активно играње кај Вардар се прости голманот Петар Ангелов. Кај скопјани Караџиќ постигна 8 гола а по 6, Циндриќ и Шишкарев, додека кај ГРК Борец по 5 забележаа Димитриевски и Илиев а  4 Павловски.  

Остана забележано дека домаќинот ГРК Борец дека со никаков гест не  им ја честиташе европската титула на гостинските ракометари.

ГРК Борец оваа сезона, по првиот дел до првенството како шести,  влезе во шесте екипи кои играа за титулата, но не забележа ниту една победа или нерешен резултат.    Вардарци пак го освоија  и Купот и победија во регионалната СЕХА лига.

фото: екипа.мк    спортмедија.мк

АНКЕТА »

Дали Општина Велес да се задолжи со 46 милиони денари, за да се изгради покриен Градски пазар?

Резултати

ПРИЈАТЕЛИ »