Петар Печков

Објавено: вторник, 30 ноември 2021 903 183

Една седмица во велешко се намалува бројот на активни случaи со ковид-19. Ова откако и денес се регистирани повеќе оздравени, отколку ново заразени. Здравствениот билтен за изминатите 24 часа, објавен од Министерството за здравство покажува 14 оздравени и 10 нови заразени, или активни се 326 случаи. 

Објавено е дека има и еден починат, кој досега не бил регистриран во Министерството за здравство, но за подолг период од 2-ри октомври до 27-ми ноември. Oва лице се лекувало во домашни услови. Институтот за јавно здравје во денес објавениот билтен објави дека досега во велешко има починати 259 лица, заклучно до 28-ми ноември. 

Во трите ковид одделенија од велешка Болница  и претпладнево, како и вчера и завчера имаше 35 пациенти. Од нив 23  се позитивни потврдени  со ПЦР тест, петмина се  непотврдени  и седуминна  се   негативни, но со здравствени проблеми, па  имаат потреба од здравствена заштита.

„Примени се двајца  нови  пациенти. На  континуирана кислородна поддршка се 16 лица“ - кажа д-р Елена Левкова Ќулумова, портпарол на велешка Болница.

На Инфективното одделение згрижени се 17, во Модулaрна болница има 13  пациенти додека петминна се  на Интерното одделение каде се сместени сомнителните случаи.