речник контакт

Земјоделци го оштетуваат цевководот од езерото Лисиче до Велес за да си полеваат ниви и појат стока

Месечно ЈКП Дервен на ЈВП лисиче му плаќа по 1,7 милиони денари за вода, која во еден дел од несовесните земјоделци се губи по течението на цевководот,заради недозволено користење

Петар Печков

Надлежните од ЈКП Дервен констатирале дека по должината на цевководот, кој од езерото Лисиче носи вода за пиење за градот, тој   на повеќе места е оштетен. Неодговорни сограѓани, водата ја користат бесплатно за наводнување на нивните површини. Цевководот е во должина од 21 км.  Велешкото претпријатие не прецизира колку случаи до сега откриле и колкава е материјалната штета. 

Често се случува несовесни граѓани, поведени од целта бесплатно да ја искористат водата од цевководот од браната Лисиче до град Велес, за наводнување на сопствените земјоделски површини и напојување на стоката,  вршат криминални дејствија.  Тие оштетуваат елементи на цевководот-испусни вентили, делови од испусници и воздушни вентили и со тоа предизвикуваат неконтролирани истекувања на вода - велат од ЈКП Дервен. 

На овој начин, поаѓајќи од сопствениот  интерес, одделни земјоделци по должина на цевководот  нанесуваат огромна штета освен  на ЈКП Дервен, така и на земјоделските површини во непосредна близина на отштетениот  цевководот.  Тие прават грешка објаснуваат стручњаците, оти  истекувањето на водата од оштетениот цевковод не може да се контролира и со тоа се предизвикува поплави на околните површини. 

Од ЈКП Дервен апелираат за поголема свест кај сопствениците на земјоделски површини и сопственици на стока и потсетуваат дека манипулацијата со водоводните инсталации е незаконско дејствие и е казниво со закон. Водата која ЈВП Лисиче му ја испорачува на ЈКП Дервен е со цена од 3,82 денари  за метар кубен или месечно 1,7 милиони денари  а дел од неа се губи поради штетите од одделни земјоделци, кои со водата ги полеваат нивите и ја појат стоката. 

АНКЕТА »

Дали состојбата со ковид-19, го промени начинот на живот кај Вас?

Резултати

ПРИЈАТЕЛИ »