Петар Печков

Објавено: понеделник, 26 јануари 2026 47 4

Основното јавно обвинителство Кавадарци поведе постапка против 30-годишна државјанка на Р.Хрватска со привремен престој во Кавадарци, која е осомничена дека сторила кривично дело – Телесна повреда од член 130 став 2, сторена при семејно насилство. Таа со нож, со два убоди го повредила 43 годишниот сопруг.

„На 25 јануари утрото, во состојба на пијанство со присуство на 2,61 промили алкохол во крвта, осомничената вршела семејно насилство и телесно го повредила својот сопруг. По вербална расправија, зела нож од кујната и го прободела оштетениот во левото и во десното рамо, а потоа го гребела по вратот и телото“ – соопштија од ОЈО Кавадарци.

Судија на претходна постапка од Основниот суд во Кавадарци определи мерка краткотраен притвор за осомничената во траење од осум дена, по барање на јавен обвинител.