Петар Печков

Објавено: понеделник, 18 мај 2026 159 6

Ha вчерашната крводарителска акција одржана во црквата Св. Кирил и Методиј  во Велес беа собрани 50 крвни единици, од нив седум се првократни дарители. Ова е прва крводарителска акција одржана во православен храм. 

„Успешно е реализирана првата крводарителска акција во организација на Повардарската епархија, која се одржа во црквата „Св. Кирил и Методиј“. Сите дарители со своето хумано дело придонесоа за спасување на човечки животи“ – соопшти Орце Николов секретар на ОО Црвен крст Велес 

Акцијата за крводарување „Да спасиме живот“ се одржува во чест на празникот 24 мај на сесловенските просветители,  Св. Кирил и Методиј во административните простории на оваа црква

Акцијата е заеднички реализирана со ОО Црвен крст Велес,  Повардарската епархија МПЦ –ОА  и Институтот за трансфузиона медицина од Скопје.

Фото ОО Црвен крст Велес