Петар Печков
Објавено: вторник, 28 април 2026
Советот на Општина Велес едногласно донесе одлука за субвенција на дефицитарни занаети, кои постојат на територијата на општината. Помошта е во висина од 15 илјади денари.
Беше донесена и одлука кои се дефицитарните занаети во велешко, а согласно податоците од Регионалната Занаетчиска Комора – Велес.
Со оваа одлука се определуваат како дефицитарни занаетчии и занаети во изумирање: грнчари, ковачи, опинчари, јажари, крзнари, шапкари, свеќари, венци, корпари, копчари, кујунџии, каменорезачи, клучари, саатчии, ткајачи, кондураџии, фурнаџии – фурна на дрва, рачна изработка на сита, изработка на филигран, накит и слични производи, производство на музички инструменти, резба на дрво и бакар, пирографија, изработка на народни носии, домашна ракотворба, ракотворби - изработка на сувенири и производи од хартија.
| Tweet |
