Петар Печков
Објавено: петок, 17 јули 2026
Завршија правните работи за ставање во функција на водоснабдителниот систем за Горно Јаболчиште, Општина Чашка. Со одлука на Советот на Општината тој е предаден на управување на ЈКПД Тополка Чшака.
Претходно Министерството за транспорт го предаде во владение на Општина Чашка. Водоснабдителниот систем почна да се гради 2018 години и носи вода од Студеничани и преку планината Караџица да стигне до Горно Јаболчиште.
„Административниот и првниот дел е завршен, остана само техничкиот дел, по што водоводниот систем ќе биде пуштен во употреба, По многу години чекање, жителите на Горно Јаболчиште ќе добијат квалитетена вода за пиење“ – соопшти градоначалникот Суад Шаќирoв.
Во наредниот период треба да биде изградена секундарната водоводна мрежа до домовите на семејствата на Горно Јаболчиште, каде живеат околу 2,5 илјади жители. Проектот е финансиран од Министерството за транспорт.
фото Општина Чашка
| Tweet |
