Петар Печков

Објавено: среда, 15 мај 2013 865 376

 Општинската организација на Црвен крст Велес   го освои првото место за најуспешно изработени хуманитарни микро  -проекти во циклусната 2012/2013 година. Ова признание е  во рамките на Републичкиот ЦКА-ПХВ проект   - Црвен крст во акција, промоција на хумани вредности, воедно и признание на волонтерската работа на младите велешани,  нивната  хуманост и солидарност.

Во конкуренција за оваа награда  биле   разгледани и оценети  рекордни 202 доставени проекти. Од вкупната бројка, 80 се оценети со највисока оцена, односно фаза 5, а 109 проекти беа оценети со фаза 4. Вкупно се изработени и 14 проекти оценети со сонце. Тоа се проекти кои  даваат голем придонес на заедницата, односно драстично смениле нечиј живот. Наградата во наредниот период ќе им биде врачена на свеченост во Велес.