Петар Печков

Објавено: вторник, 21 април 2020 743 162

Министерот за здравство Венко Филипче, на попладневната прес конференција кажа дека во самоизолација ќе одат и вработени од големиот продажен објект каде има шест лица позитивни на ковид-19 и  од Центарот за јавно здравје од Велес, каде има три лица со корона вирус. 

Согласно наодот од Државниот санитарен и здравствен инспекторат,  15 вработени  добиваат решение за  самоизолација. Ако оваа компанија може да ја организира работата со останатиот број на вработени, маркетот ќе работи. Завршена е постапката за дезинфекција и чистење на продажниот објект - изјави Филипче.  

Во Велес престојувале и инспектори од Скопје и епидемиолози, кои  направиле вонреден инспекциски надзор врз работата на велешкиот Центар за јавно здравје, каде продолжениот празничен викенд беа пронајдени три здравствени лица позитивни на коронавирусот. 

Определена е самоизолација на вработени во зависност колку често имале контакти со заболените.  Направена е ротација на кадри и сите  одделенија функционираат нормално,  вклучително  и пунктот за земање брисеви.  Се работи   за да се утврди дали се почитувани протоколите или има некакви неправилности во постапувањето во претходниот период - кажа  министерот Филипче.