Петар Печков

Објавено: понеделник, 03 јули 2023 272 37

Со веслањето на кајак крос, ново олимписка дисциплина, Ангел Петрушев го заврши настапот на Европските спортски игри, кои се одржаа во Краков Полска. Тој во конкуренција на 52 натпреварувачи беше 28 со време од 70:20 додека првопласираниот во квалификациите имаше време 61:58. Во четврт-финалето се пласира првите 16 кајакари.

Оваа дисциплина, за разлика од кајак слалом има само 4 врати и поголемиот дел од патеката се вози право. Таа ќе се најде на следните Олимписки игри во Париз.  Во Краков заедно со Петрушевски беше и неговиот тренер Димче Стефановски.

На Европските Олимписки игри во Краков Македонија освои еден медал сребрен во теквондо од Дејан Георгиевски.  Домаќинот на следните Европски олимписки игри ќе биде познат во октомври. Првите се одржаа во Баку 2015, вторите во Минск 2019 година. Претходно Македонија има освоено две бронзи и двете во Баку, во кaрате од Емил Павлов и Мартин Несторовски.