речник контакт

Стефановски вицешампион, Спасиќ трет во кајак на диви води

Папазов победи во Ц-1,на Државното првенство кое се возеше на Матка. Кај јуниорите победи Небиоски

Петар Печков

Изминатиот викенд на патеката Матка, на реката Треска се одржа Државното првенство за кајак –спуст  на диви води, во сениорска конкуренција.

Велешани има забележителни пласмани. Игор Стефановски од  ККК Вардар од Велес беше втор а Љубиша Спасиќ од ККК Гемиџии трет во К-1 додека државен првак стана Атанас Николовски од Илинден.

Во 3хК-1 втора беше првата екипа на Бабуна во состав Николовски, Златаров и Велков. Во Ц-1 прв беше Роберт Папазов пред Дамјановски и двајцата од ККК Бабуна.

На ова првенство најмногу успех во клупска конкуренција имаше екипата на Бабуна, пред Илинден од Скопје и Вардар од Велес. Севкупно за оваа 2014-та година во сите конкуренции, пионери, јуниори, младинци и сениори најмногу успех имаше ККК Вардар од Велес.

 Се одржа и Државното првенство за јуниори. Победи Енис Небиоски од ККК Вардар од Велес, трет беше велешанецот Александр Златаров кој вози за скопски Илинден.  Во оваа конкуренција во 3хК-1 екипата на Вардар од Велес го освои второто место.

АНКЕТА »

Дали Општина Велес да се задолжи со 46 милиони денари, за да се изгради покриен Градски пазар?

Резултати

ПРИЈАТЕЛИ »