речник контакт

Четири дена се чистеше брегот на Битолска пруга од смет

Велешките комуналци во вонредна акција собраа 20 м3 отпад а за еден ден на брегот на река Вардар во Градски парк 18 м3

Петар Печков

Иако два пати во текот на година се чисти брегот на Битолска пруга, тој и натаму е ѓубриште за некои сограѓани. Така и пролетва вработените од ЈКП Дервен во повеќедневна вонредна акција, го чистеа просторот од надвозникот кај Маслодајна до комплекс УЗУС.  За жал и натаму истата слика, смет кој наместо во контејнерите завршува на јавни површини. Имало и случаи на габаритен отпад кој го нашле комуналците а бил фрлен од несовесни сограѓани. 

Чистењето на брегот на битолска пруга траеше четири дена, од среда - 06.03.2019 до сабота - 09.03.2019 и беа собрани 20м3 отпад -информираа од ЈКП Дервен. Тие и натаму апелираат на совеста на дел од жителите на градот, кои отпадот наместо во контејнерите го фрлаат на отворено. 

Така беше си со неодамнешната акција на чистење на бреговите на реката Вардар помеѓу мостот Гемиџии и Стар мост, кога беше собран и градежен шут.  Денес пак комуналците го чистеа брегот на река Вардар во Градски парк, при што биле собрани 18 м3 смет.

АНКЕТА »

Дали честите акциски контроли на сообраќајната полиција, изминатите два месеци, воведоа ред во однесувањето на возачите и пешаците?

Резултати

ПРИЈАТЕЛИ »