Петар Печков

Објавено: понеделник, 03 март 2025 149 61

Hа повеќе локации во Велес реализирана е превентивна активност под мотото - „Алкохолот е лош сопатник- не пиј кога возиш“.

„Целта на активноста беше преку непосредна комуникција со возачите, полициските службеници уште еднаш да апелираат и да им укажат на учесниците во сообраќајот за штетното и опасно дејство на алкохолот врз способноста за управување со моторно возило, а сето тоа за подигање на свеста кај граѓаните за одговорно учество во сообраќајот пред се преку целосно почитување на сообраќајните правила и прописи“ - соопоштија од МВР.

На возачите воедно им бил поделен и едукативно-информативен печатен материјал изработен во соработка со РСБСП.

Активноста е реализирана од Отсекот за превенција при СВР Велес во соработка со полициски службеници од Полициската станица за безбедност на патниот сообраќај Велес.

фото МВР