Петар Печков

Објавено: петок, 16 јануари 2015 787 279

Недела вечер во 19 ч. со проекцијата на филмови на браќата Манаки во новата зградата на велешкиот театар, започнува годинашната манифестација Град на културата, која Велес ја доби по втор пат.

Ќе биде прикажан дел од нивниот црно бел опус, кој е дигитално реставриран од Кинотеката на Македонија. Бидејќи филмовите се неми, без звук, музичката придружба ќе биде на таткото и син Благој и Бојан Маротови.

На отворањето е најавен и настап на црковниот младински хор ,,Св. Кирил и Методиј,, ., потоа на кларинетистот Благој Ламњов кој настапува на светските сцени и велешките пејачи Орхидеја Дуковска и Мики Секуловски.

Ова се првите содржини од најавените 200 кои ќе бидат претставени во Велес, во рамките на манифестацијата ,,Град на културата,, .