Петар Печков

Објавено: среда, 15 декември 2010 1350 342

    Жителите на улица 11 Октомври се жалат на музиката и вревата која доаѓа од ресторанот Булетус, лоциран во близината на Брако. Тие немаат мирен сон, бидејќи вообичаено после полноќ започнувало гласното пеење но и викотници и вресоци на дел до гостите.

Од среда до недела, кога има музика, после полноќ, кога е време за спиење, ние немаме сон. Ова е страшно посебно за децата, кои немаат мирна ноќ, се будат и добиваат кошмари. Имаме реагирано до полиција но секогаш музиката стивнува пред да дојде полицијата – велат жителите од улицата 11 Октомври. Нивните наводи за гласност и бучава ги потврди и извршената контрола  од  велешката полиција изминатиот викенд.

На ден 12.12.2010г во времето од 00:15 до 01:45ч од страна на полициски службеници од Полициска станица Велес извршена е контрола  при што е констатирано дека го нарушиле мирот на граѓаните со штетна бучава која ги надминува граничните вредности, а која произлегува од угостителскиот објект Булетус. Ги повикуваме станарите секогаш кога има таков случај да се јават на 192 за да реагираме – изјавија од СВР Велес.

Гласна музика е констатирана и во  дискотеката Ноктурно, поради што против сопствениците на двата објекти е поднесена прекршочна пријава до Основниот суд во Велес. Викендов бил контролиран и ноќниот клуб Импакт, но таму било се во ред.  Полицијата контролирала и  присуство на малолетни лица во угостителски објекти после 24 часот како и точење алкохол на пијани и малолетни лица.