Петар Печков

Објавено: четврток, 22 јануари 2015 869 257

Во велешката библиотека беше македонската промоција на најновата книга, збирка поезија на Раде Силјан ,, Отворена книга,,.  Книгата е издание на Матица Македонска и е составена од единаесет песни поделени в о три циклуси, кои се дел од една  тематска целина. 

  Во оваа година кога Силјан одбележува 65 години живот и 40 години од издавањето на првата негова поетска книга,  задоволство е да се промовира неговата 20-та  поетска книга ,, Отворена книга,,.  Доволно за неговата поезија зборува што е тој еден од најнаградуваните автори во земјава.   Тоа што воодушевува кај Силјан и  што повеќето луѓе  можат да му заблазнуваат е што  тој успева да спои  две работи.  Тој ја спојува вокацијата, нешто за  што живееме,  и професијата     нешто од  што живееме.  Тој е  и  поет, и литературен   критичар, и  автор на  многу антологии   - рече промоторот проф. д-р Златко Жоглев Ректор на Универзитетот „Св. Климент Охридски“ од  Битола.

Авторот за ова  дело, објаснува дека е синтеза на сите негови поетски сфаќања,  преокупации од сите  досегашни творби  периоди на работа. 

Во оваа моја книга преокупација е тоа што не преокупира последните неколку години,  во периодот на осамостојувањето. Тоа е името, нашиот идентитет, националните   превирања, самостојноста,  делбите и преселбите на македонскиот народ.  Поетската порака е чувството дека   не има и тогаш кога  не немало, а  ќе не има секогаш   кога ќе знаеме да се одржуваме  како народа и нација -  изјави авторот Силјан.

Книгата поезија ,,Отворена книга,,  е  издадена  при крајот на  минатата година.  Оваа промоција беше дел од содржините на манифестацијата ,,Велес град на културата,, .