Петар Печков

Објавено: петок, 24 ноември 2023 97 5

Теренската вакцинација против сезонски грип, наиде на позитивен одѕив кај граѓаните. Заедно со теренската вакцинација за деца кои не се вакцинирани со редовната вакцина, изминатиот дел од ноември се вршела и теренска вакцинација од сезонски грип.   Според информацијата од д-р Марина Тодоровска, задолжена за реализација на кампањата „од врата до врат“ најголем интерес имало во населба Градско каде 54 лица, сите на возраст над 65 години и 27 од Чашка исто така над 65 години, се вакцинирале од сезонски грип.

Од вчера започна вакцинација против сезонски грип и во Здравствен дом, во превентива за дека од претшколска возраст. Таму биле добиени 200 вакцини. Првиот ден биле вакцинирани 13 граѓани, сите над 65 годишна возраст.  А може да се вакцинираат и хронично болни, трудници, здравствени работници и деца од 5 месеци до 6 години. Овде се извршува без закажан термин.

Од крајот на октомври вакцинација против сезонски грип се извршува во Центарот за јавно здравје. Таму се пополнети сите термини до 4 декември, и тоа преку закажување на вакцинација. мк.  Тука може да се вакцинираат и граѓани кои не е во ризичните групи, со комерцијална вакцина, која чини 700 денари. Првично беа добиени две илјади вакцини а потоа дополнително уште двеста.