Петар Печков

Објавено: петок, 30 декември 2011 1381 355

Мотористите од Велес поделија 400 новогодишни пакетчиња, подарок за ранливите категории деца. Тие пакетчињата ги купија од сопствени средства. Во оваа акција учествуваа членовите на трите мото клуба од градот.

Сакаме на овој начин, како што се прави тоа и во светот , ние облечени во Дедо мраз да им ја вратиме насмевката на овие деца пред Новата година.  Од наши доброволни прилози ги купивме пакетчињата и ќе ги подариме на децата од  посебното ОУ Маца Овчарова, од детското одделение на Болницата, од Дневниот Центар за деца со посебни потреби – вели Александар Караколев организатор на акцијата.

Таа се одржува трет пат. Дел до пакетчињата Дедо Мраз ги делеше на случајните минувачи.