Петар Печков

Објавено: сабота, 23 септември 2023 1714 15

Денес во Велес се одржа 29 републички натпревар во Прва помош. Организатор беше Републичкиот Црвен крст и Општинската организација од Велес. Учествуваа 30 екипи од исто толку градови во Македонија.

Сите учесници беа екипи составени од средношколци, победници на општинските натпревари. Победник е екипа на средното хемиско  училиште „Димитрија Чуповски“ од Велес.Второто место го освои екипата од Струмица а третото од Куманово. Догодина 30 Државен натпревар ќе се одржи во Штип.

Сите учесници на пет пункта, кои беа лоцирано во Младински парк и во дворот пред Гимназијата,   го  покажува нивното знаење од различни области на првата помош.

Нив ги оценуваа доктори од градовите учесници.  По збирот на оценките од сите пункта, победник е средното хемиско училиште Димитрија Чуповски. 

Државниот натпревар по прва помош, годинава  се одржува под мотото „Првата помош спасува живот“.

Победнички се:
Ива Гргиќ - втора година
Теа Славевска - втора година
Елена Наумова – трета година
Марија Нечева - четврта година
Bерица Мишкова – четврта година
Бојана Воденичарова – четврта година
ментори -
д-р Лиле Настова  
д-р Сандра Игнова                                                   Тања Јаковлевска од ОО Црвен крст Велес