Петар Печков

Објавено: понеделник, 18 февруари 2013 710 312

Во изминатите шест месеци месеци 48 лица од Општина Велес беа работно ангажирани во ЈКП Дервен, во вршење на јавни работи - чистење, уредување и озеленување на општината. По завршувањето на проектот се сумираа резултатите – исчистена е вкупна површина од 1.886.580 м2, исфрлени 1.603 м3 отпад, ангажирани 698 трактори за собирање и транспортирање на отпадот.

Времено ангажираните лица работеа на уредување на зелените површини во општината, чистење на пристапните влезови во градот, дел од населбата Превалец, градските гробишта, брегот на реката Вардар, Дервенски поток, крајбрежниот појас на езерото Младост. Од отпад и неорганизирано зеленило се чистеа и површините пред станбените згради во градското подрачје.

Ова беше партнерски проект на Општина Велес, Агенцијата за вработување  и Владата  за спроведување на активни политики за вработување. Ако во првите три месеци тие ги немаа земено парите во висина од 7,6 илјади месечно, проблемот се реши откако тие за ова проговорија при средбата на премиерот Груевски во Велес. Со завршувањето на проектот, исплатени се и времено ангажираните.