Петар Печков

Објавено: среда, 17 октомври 2012 759 304

На  седница на  Уставниот суд  беше разгледување на иницијативата за оценување на уставноста и законитоста на Одлуката  за пренесување на правото на сопственост на недвижна ствар од општина Велес на општина Чашка,донесена од Совет на општина Велес на 11 јули 2012 година, а заведена на 12 јули. Според портпаролот на Уставниот Суд Југослав Миленковиќ таа е отфрлена.

Иницијативата која е поведена од страна на СДСМ – Велес за уставноста на одлуката на Советот на општина Велес Уставниот суд нема да расправа, бидејќи според содржината таа не е пропис кој Уставниот суд го разгледува – изјави Миленковиќ.

Наскоро страните во случајот ќе ја добијат и писмено образложената одлука на  Уставниот суд.  Претходно Државниот инспекторат за локална самоуправа донесе одлука дека се стопира одлуката за подарување на Хотелот во Горно Врановци. Од Општина Чашка по ова сметаат дека тие можат да го продаваат објектот, кој во два наврати  го нудеа за 500 и 400 илјади евра, но немаше заинтересирани.