Петар Печков

Објавено: четврток, 22 јануари 2015 842 243

 Четворица сириски емигранти   во средата попладне биле ограбени со закана од пиштол   при што им се доземени 2,5 илјади евра. Тие биле и физички нападнати од  осуммина  засега непознати сторители.

Тие   со два автомобили, засега непозната марка,  околу 16 часот во средата попладне на регионалниот пат Градско Велес, кај месноста Венуле,  наишле на групата бегалци, излегле од автомобилите, физички ги нападнале, и со закана од пиштол им одзеле 2,5 илјади евра. мобилни, патни исправи и облеката,  по што  со автомобилите се дале  во бегство.    

По разбојништвото, Сиријците случајот го пријавиле во велешката полициска станица. Од таму го потврдија настанот и дека преземаат мерки за откривање на сторителите.   Бегалците од Блискиот исток се честа мета на разбојници и измамници, откако наместо со воз, се префрлија на автопатот Гевгелија  - Куманово и пеш ја  минат Македонија, на патот кон земјите од ЕУ.