Петар Печков

Објавено: среда, 26 јули 2023 1523 19

Рокот за реконструкција  на регионалниот пат Велес -Градско е пролонгиран до 30 ноември годинава, потврдуваат за МИА од Јавното претпријатие за државни патишта (ЈПДП). Изведувачот бил воведен во работа на 30 август лани, а рокот за изведба на градежните работи од 9 месеци истекол до 30 мај 2023. Должината на трасата која се обновува е 22 километри

„Поради непредвидени и дополнителни работи на патната делница рокот на завршување на работите е продолжен за 6 месеци или до 30 ноември 2023 година. Асфалтирани се 12 километри БНС -прв слој на асфалт и 6 километри АБ – втор (завршен) слој на асфалт, изјавија од ЈПДП.

Вредноста на работите е 347.356.374 денари,обезбедени со заем од ЕБОР, а изведувач е „ХИДРОСТРОЈ“ и „ЕСКАВАТОРИ“ МК ДООЕЛ.
Од ЈПДП посочуваат дека патот е под времен режим и движењето зависи од активностите на изведувачот. Поради високите температури изведувачот работи од 7 до 11 часот, потоа нема работни активности -асфалтирање.

Последните 10 километри од делницата се уште се земјен пат.  Алтернатива за патување  на регионалниот пат Велес- Градско е автопатот, каде има патарина. Градежни активности не се одвиваат во недела кога е неработен.