Петар Печков

Објавено: четврток, 16 јануари 2020 7024 150

Попладнево околу 16ч. сообраќајна несреќа се случила во близина на крстосницата за Горно Оризари. Автомобил со велешки регистарски таблички излетал од патот и удрил во дрво. Две лица се борат за живот.

Според сведоците, во автомобилот било четиричлено семејство од Горно Врановци, татко со две деца и неговата мајка,  кое патувало од правец на Чашка  кон Велес. Први на помош дошле велешките пожарникари.

Интервениравме со две возила и петмина пожарникари. Од возилото извлечени се жена и дете и предадени на докторите на итната помош - информираше Љупчо Лепидовски, командир ан ТППЕ Велес.  

Околу 16ч. била побарана интервенција од Итната служба.

На терен беа испратени две екипи со две возила. На четирите повредени лица им е пружена неопходна помош и веднаш се префрлени во велешка Болница - изјави д-р Страхил Тодоров, портпарол на службата за Итна помош.

Повреденото семејство било згрижено на хируршкото одделение. Во овој момент по час и половина од несреќата првичните податоци ги сподели д-р сци Тодор Јаковлевски, портпарол на ЈЗУ Општа Болница Велес.  

Извршени се неопходните испитувања, две лица се во животно загрижувачка, во тешка  состојба и веднаш се префрлени на Клинички центар во Скопје. Едното од децата се подготвува за оперативен зафат а другото лице  е задржано на одделение- изјави  д-р Јаковлевски. 

Од СВР Велес нема првични информации за сообраќајката. Поради увид, сообраќајот кон и од Чашка е во застој.

фото:архива