Петар Печков

Објавено: среда, 08 јануари 2020 2549 155

МВР соопшти дека понеделникот, на Бадник утрото, автомобил излетал од патот  а возачот се здобил со тешки повреди.

На 6-ти јануари  околу 07.30 часот на регионалниот пат Богомила -Стари Град, во близина на крстосницата со регионалниот пат Велес- Извор, патничко возило „фолксваген пасат“ со скопски регистарски ознаки, управувано од Д.З.(49) од Скопје, излетало од коловозот. Во незгодата со повреди се здобил Д.З. и бил пренесен во Општата болница Велес за укажување лекарска помош- информираа од МВР. Увид на местото извршила екипа од СВР Велес, по што ќе бидат познати причините за сообраќајката. 

Од ЈЗУ Општа Болница Велес информираа дека на  повредениот му е дадена неопходната помош и од денес  е пуштен на домашно лекување.

Извршени се томографски снимања, констатирани скршеници на градна коска и ребра. Пациентот беше згрижен на ортопедија, до денес, среда кога е пуштен дома - изјави д-р сци. Тоше Јаковлев, портпарол на велешката Болница.