Петар Печков

Објавено: среда, 01 јуни 2016 1091 290

Ракометарите на ГРК Борец во последното коло од плеј-аут лигата, дома се поразени високо со 34:26 (22:15). Како и во претходното коло против последно пласираниот состав на Металург 2, така и на овој натпревар велешани разочараа.  По 20 одиграни кола Борес се најде на место кое го носи во бараж за опстанок, со второпласираниот тим од првата лига. Кај домаќините Стојановски постигна 7 а Анастасовски 6 гола. Кај гостите имаше повеќе ракометари со висок број згодитоци.  Според планот  на РФМ баражот ќе се игра во еден  натпревар,  следниот викенд на 11-ти или 12 јуни. Противникот засега е непознат, ниту местото каде ќе се одигра оваа средба. 

 Викендов во Кавадарци  се играа баражите за пополнување  на Третата лига Југ.   Двете велешки екипи имаа половичен успех, Гемиџии победија, Бабуна поразена на пенали. Гемиџии славеше над екипата на Напредок од прилепско со 1:0, со гол постигнат во второто полувреме и тие од сесен ќе играат во повисок ранг. Во вториот бараж  натпревар Бабуна екипата која ја освои титулата првак на Општинска фудбалска лига, загуби на пенали од екипата на Росоман со 11:10. Во регуларниот дел заврши нерешено 1:1, откако во 86-та Бабуна поведе, во 89-та не реализираше пенал и во контра прими гол. Во рулетот  повеќе среќа имаа фудбалерите на Росоман и славеа. За фудбалерите  на Бабуна од Мартолци поправен ќе има, втора шанса за пласман во Третата лига југ.   Ќе играат со поразениот од бараж средбата која викендов се игра помеѓу две прилепски екипи. 

 Заврши Општинската фудбалска лига каде нов првак одамна е екипата на Бабуна на Мартолци.  Во последното коло постигнати се следните резултати:

 Младост - Горски                    2:1

Бирлик - Мак.сонце                6:4

Тополка - Мартолци              3:0 служб.

Илинден БС - Форца Нова    7:2

Башкими - Интернационал  4:3 

 слободни беа  Бабуна и Гемиџии

                           Т А Б Е Л А

 1. Бабуна                             22   21    0    1    104:22     63

 2. Гемиџии                          22   18    2    2     81:28      56

 3.Илинден БС                     22   15   2    5      69:31     47

 4.Форца нова                     22   11   1   10     56:45     34

 5.Тополка                            22    10   2   10     50:42    32 

 6.Бирлик                              22    10    1   11    39:71    31

7. Македонско сонце        22     7   5   10     45:66    26

8.Башкими                            22    6    4   12     45:59    22

 9. Мартолци 07                   22    5   5    12     42:59    20

10. Горски                              22    6   2   14      35:75    20

 11.Младост                           22    5   3   14     25:46    18

12. Интернационал             22    4    1   17     38:78    13