Петар Печков

Објавено: сабота, 31 декември 2016 438 255

Една дополнителна, престапна секунда ќе ѝ се додаде на престапната  2016-та година и тоа вечерва,  на самиот крај од новогодишната ноќ.

Така оваа година ќе биде за една секунда подолга од вообичаеното времетраење на една календарска година. Ова го соопшти Меѓународната служба за Земјината ротација и референтни системи, која е задолжена за глобалниот часовник.

За да се зачува времето на атомските часовници во согласност со ротацијата на Земјата, една дополнителна, престапна секунда се додава најмалку еднаш на секои десет години.

Така, наместо во 23:59:59 часот, 2016-та година ќе заврши во 23:59:60 часот. Претходно, ова се случи и на 30-ти јуни 2015 година, кога последната минута од месецот јуни траеше 61 секунда.