Петар Печков

Објавено: четврток, 03 јуни 2010 894 366

 Ова се случуваше вчера во Основниот суд во Велес. Обвинетиот претходно ги призна делата, со образложение дека ги сторил поради пари, кои му требале за живот и излегување во кафеани.

Јас него живот му дадов, тој се обиде мене да ми го земе. Срам да му е што направи, цел живот  на душа ќе не носи и мене и Стефка, која ја задави. Јас бев бабицата која го породи и помогна тој да дојде на свет а сега мајка му се срами од него и од сите нас – изјави Г.М. по сведочењето  во Основниот суд во Велес.

Асановски сведочеше дека  на 6-ти декември лани, влегол кај старицата М.Г. и почнал да и бара пари, велејќи,, денес доби пензија, каде се парите,,. Откако ја силувал и ставил перница врз главата на беспомошната  старица,и ги врзал рацете и устата со селотејп, но тогаш почнало нешто да му шушка,и откако ја отворил нашол 14 илјади денари ги земал и избегал а М.Г. преживеала.

Таа работела како единствена  бабица во населбата Градско за нејзиниот 35 годишен стаж и го породила  и обвинетиот Емран Асановски.  Тој со украдените пари купил мобилен телефон од 10 илјади денари и остатокот го потрошил во кафеани.

Првото  силување со убиство Асановски го сторил на први октомври 2009-тата во 23 часот, кога преку прозор влегол во домот на Стефка Јорданова и откако барал пари, ја силувал и за старицата да молчи и ставил чорап и крпа во уста, од кои подоцна таа и се задушила.

Асановски призна дека заборавил да ги извади од устата на старицата, бидејќи бил нервозен и збунет. Но судскиот процес не може да продолжи бидејќи иако готово, психијатриското вештачење изработено од Клиниката на психологија во Скопје одамна готово, не е добиено.

Причина за тоа е што велешкиот суд не го платил вештачењето, па  стручните лица не го испорачуваат се додека не легнат парите на нивната сметка. Обвинетиот Емран Асановски, кој за себе рече дека е зависник на наркотици, на претходното рочиште ги призна делата за кој обвинителството го товари, убиство и силување  на Стефка Јорданова ( 78 год), силување на Г.М. ( 75 год), две разбојништва и две тешки кражби, единствено негираше дека од Јорданова украл 15 илјади денари и злато.