Петар Печков

Објавено: сабота, 06 август 2016 1098 281

Пливачката  со потекло од Велес Анастасија Богдановски,   беше знаменосецот на Македонија на свеченото отворање на Олимпијадата во Рио, вчеравечер на Маракана. Тоа е сон на секој спортист, а со ова таа влезе во вечноста оти малкумина имаат можност на  бидат први пред останатите членови на селекциите.

За илустрација тенисерите Мареј и Надал ги предводеа селекциите   на   Велика Британија и Шпанија. Македонија со своите  учества на Олимпијадите се води до Кубереновата мисла ,,Важно е да се учествува,, бидејќи резултатите се далеку од тие што носат медала.

Но сепак успех е во кариерата на секој спортист да се најде  во ова одбрано друштво на Олимпијада.   Богдановски ќе плива  квалификации на 8-ми август, понеделник во 18ч. во трката на 200м. слободно.

 Мајката на  Анастасија  Нада Јаричкова   е родум од Велес, а каде  живее и нејзиниот дедо.  Богдановски е втора велешанка  која ќе настапи на Олимпијада.

Во Лондон, учествуваше атлетичарот Кристијан Ефремов. Тој пак го носеше знамето на Македонија на затворањето на игрите 2012-та.