Петар Печков

Објавено: вторник, 03 јануари 2023 3053 33

Велешкиот Народен музеј доби нов директор. Тоа е Ангел Коруновски дипломиран скулптор. Коруновски беше избран на конкурс распишан од оваа локална културна институција. Има мандат од четири години.

Коруновски дипломирал на Факултетот за ликовни уметности на катедрата за вајарство под менторство на професорот Васил Василев по што ќе следат постдипломски студии на истиот факултет каде се здобива со титулата магистер по скулптура.
Во неговото богато портфолио се набројуваат повеќе од 50 учества во групни изложби во Македонија, Србија, Франција, Русија, Германија и Египет, раководител е на ликовната колонија „Папрадишки мајстори“.

Тој е автор на споменикот „Коњаникот“ во центарот на Велес.