Петар Печков

Објавено: четврток, 19 мај 2011 2192 347

Тој  беше осуден во Основниот суд во Велес,  бидејќи со видео камера се снимал додека имал сексуален однос со малолетна девојката и нејзината постара сестра, за да истиот клип во 2008-та година биде пуштен во јавноста.  Летото таа година овој клип беше вистински хит меѓу велешани а девојките по излегувањето на снимката во јавноста, останале и без работа, биле напуштени.

Обвинетиот  се бранел дека во 2007-та година мобилниот му бил украден од непознат сторител, кој потоа го пронашол и го пуштил во јавноста клипот. Но и покрај ваквата одбрана тој  не можел да докаже дека тогаш му бил украден мобилниот, туку во полиција грабежот на апаратот го пријавил  две години подоцна, во 2009-тата година.

Поради ова судот го прогласи за виновен и му изрече казна затвор од 18 месеци, што е прва изречена во Македонија за ширење на малолетничка порнографија преку интернет. Обвинетиот веќе поднел барање за преиспитување на пресудата пред Врховниот суд. Оштетените сестри пак најавиле тужба за материјално обештетување во висина од  повеќе десетина илјади евра.