Петар Печков

Објавено: недела, 21 август 2022 4274 34

Повеќе населени места во велешко Башино село, Сопот, Новачани, Иванковци, Кумарино, Отовица, Мамутчево, Сујаклари, Дурутовец, Бузалково, Сливник, Горно Оризари, Раштани, Клуковец, и без малку сите во Општина Чашка се  24 часа без електрична енергија.

Реакциите на жителите се жестоки, бидејќи се што чувале во фрижидерите се одмрзнало и имаат големи штети. Гостите кои викендов дошле во Оморани, Нежилово, Богомила, морале да си заминат.   Од ЕВН објаснуваат дека причината е големото невреме вчера, кое го зафати градот Велес.

„Како последица од силното невреме кое го зафати Велес и околината, се соочуваме со оштетувања на електродистрибутивната мрежа, односно искинати проводници, скршени столбови и сл. Екипите на Електродистрибуција се постојано на терен и работат на отстранување на дефектите“ - одговорија од ЕВН на поставеното прашање на ТрМр.Некои од овие потрошувачи попладнево околу 17ч., добиле струја.

Вчерашното невреме , силниот ветер освен што предизвика прекин на редовниот живот го градот, имаше и едно повредено лице. Жена В.Г. била повредена, според нејзино кажување од лесонитна плоча, која паднала од некоја од зградите, на паркингот кај Новото пазарче во Населба. Помош побарала во велешка Болница.  Таа, според информациите од оваа здравствена институција,  имала  површински повреди на главата и била пружена лекарска помош, била задржана на опсервација  и околу полноќ, по нејзино барање заминала дома.

Од покривот кој летна од т.н. социјална зграда во населба Тунел, имало оштетени автомобили.