Петар Печков

Објавено: вторник, 05 март 2019 865 181

Апелациониот суд од Скопје ја потврди пресудата на Основен суд Велес, со која  Слободан Близнаковски координатор  на третата Изборна единица за ВМРО- НП и Зоран Арсовски претседател  на ВМРО – НП за Велес, кои на овие функции биле  во  2013-тата се ослободени од обвинението дека сториле кривично дело  ,,загрозување на сигурноста,,.  Тие беа обвинети дека вршеле присток врз советничката Рајна Стојанова, од ВМРО-НП, тогаш настапи заеднички на локалните избори 2013-та во Велес со СДСМ, премина на страната на ВМРО-ДПМНЕ  и од опозиција станаа позиција во градскиот совет.  Така по  пет години талкање низ судовите и шест пресуди, сите ослободителни, пет Апелација враќаше, заврши процесот кој за Близнаковски е политички и монтиран. 

 Секое обвиние  е како фрлена перница од десети кат. И потоа оди собирај пердув по пердув, така и јас и Зоран моравме да докажуваме на пријатели, познати дкеа не сме виновни, ништо не сме сториле.  Јас се чувстувавам стигматизиран  со самото пуштање на кривичната пријава. И пред време ме осуди претходниот режим.  Процесот траеше предолго, пет години. Многу енергија и дел од животот ни одзеде овој случај - кажа Близнаковски. 

Според обвинението   Близнаковски  на партиски состанок одржан на 14 април 2013-та на Стојанова   и рекол,, Ти на мек тон не разбираш, ќе треба да ти кажам грубо, доколку не го вратиш советничкиот мандат ти и твојата фамилија ќе бидете искоренети, не си свесна што правиш и што ќе ти се случи, ќе дојдат луѓе од страна- знаеш од каде од Бугарија“.  Овие зборови таа ги доживеала како траума.

Второ обвинетиот Арсовски на Стојанова според обвинителниот предлог и упатил сериозни закани со зборовите  „Да знаеш ќе донесат специјалци од Бугарија и нема да помине се така лесно, тоа ти е поздрав од Љубчо Ѓорѓиевски“. Од овие зборови оштетената се почувствувала несигурна и загрозена и се исплашила за својот и животот на членовите на  семејството.

 Во пресудата пишува дека оштетената Рајна Стојанова не можела да биде службено лице во моментите кога наводно и биле кажани заканите, бидејќи тоа не било во време кога била на седница, туку на партиски состанок. За потоа судот да констатира дека според сведоците  од партискиот состанок, не биле упатени такви закани кон Стојанова.    

Овој процес беше политички и  монтиран. Слушнавме дека се споменува и во снимките, во бомбата бр. 25.  Сметам дека станува збор за нашиот случај, велешкиот.  Независно од притисоците кое се вршеа врз судството, пресудата е во наша корист. Притисоците беа насочени кон судиите и морам да се заблагодарам што и двајцата  Адеми и Гајдова останаа  храбри. Им благодарам и на адвокатите кои докажаа дека не сме виновни.  Дојде до израз правдата и нема заедничко со тоа што бевме обвинети - рече Близнаковски. 

Во првите минути од бомбата бр. 25 пратеникот  на ВМРО-ДПМНЕ од Велес Илија Димовски и се жали на министерката Гордана Јанкуловска, оти не можат да обезбедат притвор за лица кои не ги именува,  па бара помош од неа за републичкиот јавен обвинител  Зврлевски да реагира, оти велешката обвинителка не се согласувала за притворот.