Петар Печков

Објавено: недела, 03 декември 2017 684 213

Највисокиот водостој реката Вардар во Велес го има утрово во 7ч., кога биле измерени 216 цм. Потоа постојано нивото е во опаѓање а во 16 ч. било 200 цм. Ова се информациите од Центарот за управување со кризи.

Од таму додаваат дека реката и во текот на попладнето ќе опаѓа. Нема пријави за тоа дека реката поплавила дел од површините во велешко.  

Утринскиот водостој на  Вардар во Велес, кој е највисок овие денови бил  за  130 см повеќе од просекот за декември. Од УХМР најавуваат дека дождовите престанаа и не се  очекува нови во наредниот период  а со тоа ќе дојде до опаѓање на надојдените реки.