Петар Печков

Објавено: среда, 21 септември 2011 1711 309

Од почетокто на месецов Пан такси започна со автобуски превоз на патници до новите градски гробишта во Раштани. Тие оваа линија ја добија на тендерот кој го распиша општина Велес.

Автобусите сообраќаат секој ден  со тргнување во 8 часот а враќање во 9,30 часот. Во сабота и недела, како и за верски празник има уште едно тргнување во 7 часот. Цената на билетот е 30 денари во еден правец, додека повратен билет чини 50 денари.

Оваа линија тргнува од Долни Дуќани а попатни станици се Стар мост - кај железничката рампа, Градскиот саат, Основен суд, Пензионерски, Управна зграда Жито Вардар, Пан-такси, касарна Алексо Демниевски Бауман, Багремче, Керамидна, Киро Ќучук и Раштани.

Враќањето е по следната реалација Раштани, Киро Ќучук, Багремче, Трговски центар, Пан такси, Жито Вардар, Управна зграда ЕВН, Дом на АРМ, фонтана Сармаале и Долни Дуќани.

 Пан такси од неодамна започна и со агобуски превоз за Скопје кој поаѓа од Велес во 6,20 и 7 часот а од Скопје во 16,10 и 17 часот.

И натаму сообраќа првата автобуска линија Долни Дуќани - Превалец  преку Железничка станица и обратно на секој половина час, додека во недела и празник на секој час, во терминот од 5 до 21 часот. Цената е 25 денари за билет.