Петар Печков

Објавено: вторник, 12 март 2013 1153 312

 Велес оваа година ќе добие нови 10 илјади метри квадратни зеленило. Се предвидува обнова на 21 парцела, од кои  18 се на главната сообраќајница Благој Ѓорев  и три  се пред општинската зграда. ЈКП Дервен ги започна подготовките за пролетното раззеленување на градот.  Минатата година ЈКП Дервен работеше на обнова на Младинскиот парк и по позитивниот одек  кај  граѓаните, оваа година зелените површи ни во градот се прошируваат.

Планот за работа предвидува отстранување на постојната вегетација, обработка на земјата, отстранување камења и корења и подготовка на теренот за новите насади од трева и цвеќиња. Целосната реконструкција чини 32 илјади евра а парите се обезбедени од Буџетот на Општината – велат од ЈКП Дервен. 

Вработените работат на уредување на парцелите од десната страна на улицата Благој Ѓорев во новиот дел на градот. Се отстрануваат деградираните дрвја, се обработува земјата, се инсталира систем за наводнување. Повеќе од 10 илјади метри квадратни е површината која ќе се зазелени со овој план.