Петар Печков
Објавено: четврток, 05 ноември 2020
Јавен обвинител од ОЈО Велес донесе наредба за спроведување истражна постапка против лице на 57-годишна возраст, осомничено за кривично дело – убиство во обид. Настанот се случил вчера вечер, среда-4-ти ноември, околу 22,45 во семејниот дом.
Осомничениот во текот на вчерашниот ден се обидел да ја лиши од живот својата сопруга при вршење семејно насилство, така што ѝ пришол и со кабел од шина започнал да ја удира по телото. Од ударите оштетената паднала на подот. Осомничениот не ѝ дозволувал да стане, туку и се заканувал дека „ќе ја однесе во гробот на мајка ѝ“, „ќе ѝ ја затвори устата така што ќе ѝ ја наполни со крпа“ и дека „ќе ѝ го скрши черепот“. Тој продолжил да ја удира со кабелот по целото тело и престанал дури откако во куќата дошла нивната ќерка. Од ударите што и ги нанесол осомничениот, оштетената добила повеќе повреди по целото тело и скршеница на раката - соопштија од велешкото обвинителство.
До судијата на претходна постапка од Основниот суд во Велес јавниот обвинител доставен е предлог за определување на мерката притвор спрема осомничениот. Предлогот бил прифатен од Судот , па на осомничениот му е определена мерка притвор.
| Tweet |
