Петар Печков

Објавено: вторник, 20 октомври 2020 3956 112

Велешанец кој помагал кај пријател при изградба на куќа, паднал од  спрат, од околу 2,5 метри височина и се здобил со тешки повреди.  Инцидентот според СВР Велес се случил вчера напладне во 12 ч.  повреден бил  В.А. (58 год).  Прва на помош дошла екипа на Итната помош.

Околу 14,42 ч. примен е повик, за лекарска помош на лице родено 1953-та година, кое паднало додека помагал  кај пријател, за изградба на спрат. Имал повреда на глава и граден кош, згрижен е  на лице место, транспортиран до Болница - информираше д-р Васе Пановска, портпарол на Здравствен дом Велес.

Од велешката Болница соопштија дека лицето поради тежина на повредите е префрлено на Ургентен во Скопје.
 
Повредениот при падот се здобил со фрактура на череп, има крварење на мозок и фрактура на ребро по што е препратен на Неврохирургија во Скопје - кажа д-р Весна Николовска Неделкова, портпарол на Општа Болница Велес.

фото -илустрација, архива