Петар Печков

Објавено: среда, 17 март 2021 378 88

Деведесет минути траеше подолго од предвиденото време,  денешната крводителска акција во Велес, поради големиот интерес на граѓаните за доброволно дарување на крв. И наместо шест часа, траеше седум и половина, во кој период се собра 84 крвни единици, меѓу нив и од шестмина првократни дарители. На овој начин се одбележа и 17-ти март, Денот на Црвениот крст и денот на крводарителството во земјава.  Организаторот Црвениот  крст на Велес задоволна од покажаниот интерес.

„Акцијата траеше и подолго од предвидениот термин, во интерес н дарителите, кои трпеливо чекаа да даруваа крв. Морам да ја искажам својата благодарност за големиот интерес. Велешани, но и жителите на соседните општини и мината година покажаа висока свест и хуманост и тие се втори во земјава според исполнетиот план“ - рече Орце Николов, секретар на ОО на Црвен крст Велес.  

Се работеше според ковид протоколите и затоа имаше помалку кревети кои се користеа за дарување, отколку во редовните крводарителски акции.  Крводарителите од Велес, заедно со тие од Чашка и Градско, минатата година според хуманоста се втори во Македонија, со исполнет план од 183 отсто.

Претходно во 2018-та и 2019-та две години по ред велешкиот  Црвен крст беше прво рангиран во земјава на полето на крводарителството.  Планот од 1.861 крвна единица, лани е реализиран со 183 отсто, или   собрани се 3.390 крвни единици а Велес е втор со 0,8 % помалку од  Виница. 

Од 30 општински организации во Македонија,минатата година само 13 го натфрлиле планот а повеќето од нив се за некој процент над планираните количини.